به‌ یادی مامۆستای قه‌ڵای ڕه‌سه‌نی گۆرانی و مقامات و به‌سته و هه‌ڵبه‌ست، كاك محه‌ممه‌دی ماملێ.  ئه‌من له‌مێژه مامۆستا ماملێ ده‌ناسم.  یه‌كجار یه‌كترمان خۆش د‌ه‌ویست.  گه‌لێك بیره‌وه‌ری و یادگاری شیرینمان پێكه‌وه هه‌یه. له زۆر پرۆگرام و زه‌پتی نه‌وار و كاسێت له خزمه‌تی دابووم. له چه‌ند پرۆگرامی ته‌له‌یزۆنیش به‌شداریم له‌گه‌ڵ كردوه. مامۆستای مقامات له ئاهه‌نگ دانان دا زۆر مه‌هاره‌تی هه‌بوو و له‌گه‌ڵ "ئۆركێسترا" دا هه‌ماهه‌نگی ته‌واوی ده‌كرد. به‌ڕاستی زۆر نازم و زۆر جوان ده‌ستی پێ ده‌كرد و ده‌یزانی له‌كوێوه ته‌واوی بكا و له‌كوێشڕا ده‌نگ هه‌ڵێنێ. زیر و به‌می گۆرانێكانی به ته‌واوی ڕه‌عایه‌ت ده‌كرد. شێعری زۆر جوانی هه‌ڵ ده‌بژاردن. مامۆستا ماملێ خزمه‌تێكی گه‌وره‌ی دیكه‌ی كردوه كه ئاهه‌نگه كۆن و قه‌دییمێكانی زیندوو كرده‌وه بێ ئه‌وه‌ی له‌تمه‌یان پێ كه‌وێ. مامۆستا ماملێ نزیك به حه‌وسه‌ت گۆرانی و به‌سته و مقاماتی وه‌كوو وه‌فایی، خه‌یام، هێمن و هه‌ژار و ... تۆمار كردوه‌.
كاره‌كانی له‌گه‌ڵ مۆسیقازانان وه‌ك خوایان لێخۆش بێت محمد اقا به تار، اسكر اقا به كه‌مانچه، بیوك اقا به تار، عزیز خان " مه‌شهوور به عه‌زیزه كوێر"  ئه‌ویش به تار و كاك حه‌مه‌ش به تار وه له‌پاشان له گه‌ڵ تیپی مۆسیقای كرماشان و تیپی مۆسیقاكانی شاری مه‌هاباد و خۆشم به عود و جومبوش، مقام و حه‌یران به‌شداریم كردۆ و به پێویستم زانی له‌و هونه‌رمه‌نده خۆشه‌ویسته باغی پڕ له گوڵی دڵی هه‌موو كه‌س یادێكم كردبێت. ئه‌گه‌ر كه‌موو كوڕێكم هه‌یه بم بورن چون هه‌ر چه‌ند له‌باسی ئه‌و خۆشه‌ویسته بدوێین هێستا كه‌م دو اوین .

محه‌ممه‌دی دانیش


سه‌رچاوه: كاروانی هونه‌ری ماملێ