شه‌و درزی تیكه‌وت، كاتێك شنه‌ی ده‌نگی ده‌هاته گوێی، رۆژ ده‌بوو به میوانی به‌ره‌ به‌یان. دڵم ده‌بوو به ڕێبواری هه‌ست و سه‌رم ده‌كه‌وته خه‌یاڵی ئاواره به كۆڵانی خه‌م دا وه‌ریده‌ بووم و به‌ره‌و لووتكه‌ی شادمانی ئه‌كه‌وتمه ڕێ. هێنده به‌رز بوو كلاو روێژنه‌ی سه‌ری له ئه‌ستێران ئه‌دا ئاوازی ئه‌وێته‌ی باڵی كۆچه‌رانی عیشق و خوێن بوو، دڵی به‌حری بێ بن بوو. سیحری ده‌نگی سنووری ده‌په‌ڕاند پۆل پۆل قورینگ ده‌هاتنه میوانی به‌ر به‌یان، ڕێچكه‌یان ده‌به‌ست هه‌زار به‌سته‌ی سه‌ر به‌موری ده‌خسته داو، دڵی بیسه‌رانی پرخته و خورپه ده‌نگی بلاوێن و سیحراوی، ئه‌وینی مه‌س ده‌كرد.
به‌ بیستنی تامه‌زرۆ، سه‌رم ده‌خسته سه‌ر شانی به‌سته‌یه‌ك و تێر ده‌گریام. ئاهه‌نگ نه‌رم، شه‌گه‌رم پڕ تین‌و تاو ڕسته ڕسته مرواری و گه‌وه‌ر ده‌كه‌وێته‌ داو هه‌زار مرێم و فاتم و خه‌زیم ده‌هاتنه گوێ سانه‌ی ئاهه‌نگ، قه‌تار قه‌تار دڵداری ناكام باری خه‌میان ده‌خسته‌ سه‌ر شانی ئاواز و تامه‌زرۆ ده‌ستی شه‌و و ڕۆژیان تێك ده‌به‌ست له‌ ده‌رزی په‌نجه‌ره‌ی به‌ری به‌یان كه‌چی هه‌وری چروچوغر هاتن و ده‌وری ڕوژیان گرت ئازار باڵی عیشقی كرد، ئاواز له‌ گه‌روو دا خنكاند كاتێك خه‌به‌ری مه‌رگی ویم ب یست.

نه‌سرین جه‌عفه‌ری